हेटाैँडा । मकवानपुरको इन्द्रसरोवर गाउँपालिका–३ सिस्नेरीमा शनिवार विहान सुमो दुर्घटना हुँदा १० जना यात्रु घाइते भएका छन् ।

जिल्ला प्रहरी कार्यालय मकवानपुरका अनुसार सिस्नेरी सडक खण्डमा काठमाण्डौबाट बिरगन्ज तर्फ जाँदै गरेको मधेश प्रदेश ०३–००१ ज ०३६२ नम्बरको सुमो आफै अनियन्त्रित भई दुर्घटना भएको हो ।

दुर्घटनामा सवारी चालकसहित १० यात्रु घाइते भएका छन । घाइते मध्ये तीनजनाको अवस्था गम्भिर तथा सात जना यात्रुको अवस्था मध्यम रहेको प्रहरीले जनाएको छ ।

दुर्घटनामा घाइते भएका व्यक्तिलाई उपचारका लागि काठमाण्डौ पठाइएको छ । दुर्घटनाबारे थप विवरण आउन बाँकी रहेको जिल्ला प्रहरी कार्यालय मकवानपुरले जानकारी दिएको छ ।