हेटौँडा । मकवानपुरको भिमफेदी गाउँपालिका–२ चुनियाँडाडाँमा सवारी दुर्घटना हुँदा दुइजना घाइते भएका छन ।

दुर्घटनामा मोटरसाइकल चालक मकवानपुर थाहा नगरपालिका–१ ओखरबजार वस्ने ४३ बर्षिय कविन्द्र श्रेष्ठ, पछाडि बस्ने थाहा–३ वस्ने ६० बर्षिय माँया देवि गोपाली घाइते भएका हुन । श्रेष्ठको दाहिने खुट्टा र गोपालीको टाउँकोमा चोट लागेको छ ।

शुक्रवार त्रिभुवन राजपथ सडक खण्डमा पालुङवाट हेटौँडा तर्फ आउँदै गरेको ना३ख २८६५ नं.को ट्रकले विपरीत दिशाबाट जादै गरेको बा.प्र.०३–००४प ६२८७ नम्बरको मोटरसाइकललाइ ठक्कर दिएको थियो । घाइतेलाई उपचारका लागि हेटौँडा अस्पताल पठाइएको थियो । ट्रक चालक मकवानपुर भिमफेदी–९ वस्ने २९ बर्षिय विक्रम स्याङ्तानलाई नियन्त्रणमा लिइएको बागमती प्रदेश प्रहरी कार्यालय हेटौँडाले जनाएको छ ।