हेटौँडा । मकवानपुरको राक्सिराङमा पानीमा डुबेर एक बालिकाको मृत्यु भएको छ ।

शनिबार साँझ राक्सिराङ गाउँपालिका वडा नम्बर ६ सिलिङ्गेमा स्थानीय शेर बहादुर प्रजाकी ३ बर्षीया छोरी सुभेक्षा माया प्रजा घर नजिकै पानी ट्याङ्कीका लागि बनाएको पुरानो खाल्टोमा डुबेर ज्यान गएको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।

बालिकाको शव घटनास्थलमै रहेको र घटनाको जानकारी पाए लगतै इलाका प्रहरी कार्यालय मनहरीबाट प्रहरी निरीक्षक सहितको टोली घटनास्थल पुगेको र आवश्यक अनुसन्धान भइरहेको जिल्ला प्रहरी कार्यालय मकवानपुरले जनाएको छ ।