हेटौंडा । नेपाल सितोरियो कराँते महासंघ जिल्ला कार्यसमिति मकवानपुरको अध्यक्षमा दीपक बहादुर लामा चयन भएका छन् ।
लामाको अध्यक्षतामा २१ सदस्यीय नयाँ कार्य समिति चयन गरिएको हो । समितिको उपाध्यक्षमा रामलाल थोकर लामा, रोशन बलामी, रूपक लामा र दामोदर दाहाल चयन भएका छन् । सचिब दिर्ग बहादुर लामा, कोषाध्यक्ष सुमन रायमाझी चयन भए ।
कराँते महासंघ जिल्ला कार्य समितीका उपाध्यक्ष भुवन खनालको सभाध्यक्षतामा भएको भेलाले नयाँ कार्य समिति चयन गरिएको हो । नेपाल सितोरियो कराँते महासंघका बागमती प्रदेश अध्यक्ष गगन लामाको प्रमुख आतिथ्यतामा भएको भेलामा जिल्ला खेलकुद बिकास समितिका अध्यक्ष भेष खड्गीको आतिथ्यता रहेको थियो ।
भेलाले नेपाल सितोरियो कराँते महासंघ बागमति प्रदेशका लागि प्रतिनिधी समेत चयन गरेको छ । रोशन बलामी, दिपक लामा, दुर्गा बहादुर लामा, बिष्णु श्रेष्ठ, प्रमिला तामाङ ठकुरी प्रदेश प्रतिनिधि चयन भएका छन् ।
प्रतिक्रिया दिनुहोस्