हेटौंडा । मकवानपुर क्रिकेट संघ (क्यान)को जिल्ला अधिवेशनमा केन्द्रीय प्रतिनिधिका रूपमा आएका क्यानका केन्द्रीय सचिव दुर्गाराज पाठकमाथि शनिबार हेटौंडामा मोबिल प्रहार भएको छ।

तीनजनाको समूहमा आएका अज्ञात ब्यक्तिहरुले पाठकमाथि मोबिल छ्यापेर भागेका हुन्। क्यान मकवानपुरको अधिवेशनको उद्घाटनपछि खाना खाइरहेका पाठकमाथि केहि व्यक्तिले मोविल छ्यापेको क्यान मकवानपुरका कार्यवाहक सचिव विनोदकुमार बानियाँले जानकारी दिए।

मकवानपुरका प्रहरी प्रवक्ता एवं डिएसपी टेकबहादुर कार्कीका अनुसार पाठकमाथि मोबिल छ्यापेर भागेका ब्यक्तिहरुको खोजी कार्य भइरहेको छ। उनले घटनाको विषयमा प्रहरी कार्यालयमा उजुरी परेको र अनुसन्धान थालिएको जानकारी दिए।