हेटौँडा । पश्चिम मकवानपुरको मनहरीमा लडेर एक पुरुषको मृत्यु भएको छ । शनिबार राति मनहरि गाउँपालिका ३ डोढेमा लडेर स्थानीय एक पुरुषको मृत्यु भएको जिल्ला प्रहरी कार्यालय मकवानपुरले जानकारी दिएको छ ।
शनिबार राति काम सक्काएर घर जाँदै गरेका स्थानीय अन्दाजी ५६ वर्षीय कर्ण बहादुर ब्लोनको लडेर मृत्यु भएको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।
मापसे गरेर सडकमा लडेको अवस्थामा उहाँको शव सडक छेउमा फेला परेको थियो । घटनाको अनुसन्धान भइरहेको प्रहरीले जनाएको छ। शव पोस्टमार्टमका लागि हेटौँडा अस्पतालमा राखिएको मकवानपुर प्रहरीले जनाएको छ ।
त्यस्तै मकवानपुरको मनहरी गाउँपालिका-५ ढुनिदासीमा लडेर एक जना घाइते भएका छन । स्थानीय ७ वर्षीय निर्मल प्रजा खेल्ने क्रममा आफ्नै घरको आँगनमा रहेको बकाइनोको रुखबाट लडी घाइते भएका हुन।
घाइतेको टाउको र शरीरको विभिन्न भागमा चोट लागेको छ । उहाँको सरकारी अस्पताल भरतपुर चितवनमा उपचार भइरहेको इलाका प्रहरी कार्यालय मनहरीले जनाएको छ ।
प्रतिक्रिया दिनुहोस्